Vandaðar mælingar, fálmenndar ályktanir og villandi notkun hugtaka.

Eftir að hafa fylgst nokkuð með framgangi mála við Bárðarbungu síðustu daga finnst mér ástæða til að benda íslenskum fréttamönnum (og sumum jaðvísindamönnum) á villu í notkun hugtaka eða takmörkuðum skilningi þeirra á heildarsamhenginu sem ítrekað skýtur upp kollinum í flutningi frétta af þessu.

Kvika og Berg hegða sér mjög ólíkt efst í jarðskorpunni en eftir því sem þrýstingur eykst neðar færist hegðun bergsins nær því sem gerist í vökva þó alltaf sé skýr munur eins og sá að S bylgjur ferðast ekki í vökva óháð dýpi.

Aukin áraun í föstu efni hefur þau áhrif að það annað hvort flýtur eða brotnar.  Og þegar verið er að tala um kraftana sem hreyfa jarðskorpuflekana þá skiptir togþol bergsins undir Holuhrauni mjög litlu máli.

GPS mælingar sýna að sprunga er að opnast sem liggur milli Bárðarbungu og Öskju en þær sýna líka  að land rís ekki mikið í kring um sprunguna. Það stemmir alls ekki við þá margtuggðu tuggu að kvika sé að þrýsta sér eða brjóta sér leið, heldur þvert ámóti er líklegra að rek jarðskorpuflekanna opni sprunguna og kvikan fyllir síðan tómið sem reyndar þarf ekki endilega að fylgjast að, Kvikan gæti verið seinna að ferðinni.

Virknin að aukast á skjálftasvæðinu