I rest my case

Sagt 28 ágúst hér á þessu bloggi.

 Það sem ég tel líklegast að sé að gerast núna í Bárðarbungu (samkvæmt fyrirliggjandi gögnum á vef veðurstofunnar og HÍ)  er að gliðnun, aðallega norðan við hana veldur því að kvikuþró hennar springur og lekur,  kvika rennur úr henni aðallega til norðurs en líka undir jökulinn til suðurs (sigkatlar).  Minna farg frá kvikuþrónni veldur síðan auknu álagi á botn hennar (þrýstingur upp) sem skýrir djúpu skjálftana þar.  Botn kvikuþróarinnar lyftist sem  fæðir útflæðið úr henni, ný kvika frá möttlinum nær að leka inn í hana um sprungur í botninum sem lokast svo þegar þrýstingurinn jafnast.

3. September

""Radsjármyndir jarðvísindamanna sýna 0,5 - 1 km breiðan sigdal sem hefur myndast fyrir framan og undir Dyngjujökli ""

Er ekki á tæru að þessi sigdalur væri ekki kominn þarna ef kvikan væri undir þrýstingi þarna fyrir neðan. 

Enn virðist ekkert lát á landgliðnuninni sem hefur keyrt áfram atburðarásina fram að þessu og athygli vekur skortur á upp niður hreyfingum. Gosið og kvikuflæði inn í sprunguna, sem nú er líklega að mestu upprunnin  í möttlinum mun því geta magnast næstu daga eða vikur með stíganda í hraunflæði og losun á gasi . Sprungan hlýtur að lengjast eða ný gos koma upp norðar og/eða sunnar ef gliðnunin stöðvast ekki í bráð.

Skortur á grunnum skjálftum í öskju Bárðarbungu  og þunn kvika sem kom upp fyrst í Holuhrauni bendir til að efni hennar sé heitt / þunnt  og þak hennar veikt.  Ekki er útilokað að askja Bárarbungu hrynji saman sem mundi valda öflugu en skammvinnu sprengigosi þar.

Atburðirnir við Bárðarbungu eru í fullum gangi og fara stig vaxandi. Mikið magn af kviku sem kemur djúpt að er lagt af stað upp gosrásina/sprunguna og gosið mun því geta magnast verulega þegar loksins hægir á gliðnuninni.

Sigdalur myndast við jökulinn

Athugasemdir

[Guðmundur Ásgeirsson, 3.9.2014 kl. 15:19]

Amen.

[Marinó G. Njálsson, 3.9.2014 kl. 15:34]

Dæmigert, þá myndast sigdalir vegna gliðnunar jarðskorpunnar, þar sem ekki er fyllt inn jafnóðum af kviku að neðan.  Slíkt sést mjög vel annars vegar í Hjöllunum í Heiðmörk og að sjálfsögðu á Þingvöllum.  Ég myndi giska á, sem leikmaður þegar kemur að jarðfræði, að kvikan muni ná upp á yfirborðið, þar sem sigdalurinn hefur myndast og því megi búast við MJÖG stóru gosi á þessu svæði í framtíðinni.  Hvort það gerist í þessari hrinu er alls endis óvíst, en það er bara tímaspursmál.

[Ducard.G (IP-tala skráð) 3.9.2014 kl. 16:37]

I've been watching with the help of google tr and found it interesting. Do you have background in geology ?

[Guðmundur Jónsson, 3.9.2014 kl. 17:10]

Marinó.

Héðan af held ég að við fáum annaðhvort stórt eða í það minnsta mjög langvarandi gos í þessari hrinu (á næstu árum). Það sem fór af stað 16. september hefur skriðþunga sem er miklu meiri en í atburðum eins og undanförnum gosum í Heklu og Eyjafjalajökli þar sem kvikuþró tútnar út og springur.

[Guðmundur Jónsson, 3.9.2014 kl. 17:19]

Ducard.G

Thanks for your interest.

No, my background is in mechanics and mechanical design.