Túristar í leit að norðurljósum

Ég kom Kjöl um daginn í slæmu veðri og litlu skyggni.  Eftir að komið var niður fyrir Gullfoss skömmu fyrir miðnætti fór að bera á ummerkjum eftir túrista, fastir jeppar og smábílar sem skildir höfðu verið eftir um allt og enn var fólk í sumum þessara farartækja. Þegar komið var í Mosfellsbæ stoppaði ég til að  ræða við ferðafélaga mína. Stoppar þá á sama stað útlendingur á smábíl, steig út, kom til mín brosandi út að eyrum og sagði á illa skiljanlegri ensku "war ist dehh nordenlikdens" sem held held að haf átt að útleggjast "hvar eru norðurljósin". ég benti manninum upp í loft. Hann góndi góða stund upp í sortann og spurði svo "var has du bin" sem ég taldi vera spurningu um hvar ég hafi verið. Við komum að norðan, sagði ég á ensku, kallinn virtist telja það algerlega fullnægjandi svar, brosti út að eyrum og stökk aftur upp í bílinn.?

Okkur fannst þetta voða fyndið og einhver spurði hvort túristafyrirtækin væru bara með samninga við útlend fávitahæli.

En svona eftir á að hyggja þá er þetta kannski bara sorglegt.

 

 

 

 

Björguðu tveimur ferðamönnum