Íslensk möppudýr, byggingareglugerðin og CE merkingar.

Það er gott ef menn byggja eftir þessari nýju byggingareglugerð. Hitt er aftur annað og verra mál að banna mönnum að gera það ekki, enda er það óþarfi og eitthvað sem var bara fundið upp hjá stöðluðum íslenskum möppudýrum. Það verður einfaldlega að vera heimilt að byggja utan reglugerðarinnar, að ætlast til þess að allir byggi og búi í eins húsum með hurðum fyrir NBA leikmenn og einangrun sem mundi sóma sér vel í nýbyggingum á Mars er einfaldlega ekki rökrétt. Lausnin fest sem sagt í þeim sjálfsögðu mannréttindum að heimila fólki að byggja og búa í húsum að smekk.!!??

Gott dæmi um rökvillu í íslenskri stjórnsýslu er CE merkingar á vörum. CE merkingar voru til þess gerðar að ekki væri hægt að hindra sölu á vörum á evrópska efnahagssvæðinu. Það er að segja, vörur sem má markaðssetja og selja í einu Evrópulandi fá CE merkingu í því landi og stjórnvöldum í einhverju öðru EU landi er þá beinlínis óheimilt að hindra sölu hennar þar á tæknilegum forsendum. Á íslandi var þessu strax snúið á haus og CE merkingin gerð að forsendu þess að flytja mætti vörur inn til landsins. Allt sem á eftir kemur frá EU varðandi CE merkingar verðu síðan mjög torskilið fyrir íslensk möppudýr því þeir hafa aldrei skilið grunnin, Þar sem þau hafa alltaf haldi og halda enn að CE merking sé gæðastaðall.!!??  Reyndar segjast þau vita orðið að CE sé ekki gæðastaðall en samt hefur ekki tekist að vinda ofan af vitleysunni því framkvæmdin á CE merkingum á Íslandi er eins og að um sé að ræða gæðastaðal.

Byggingarreglugerðin umtöluð