Rafmyntir, Stóra myndin.

Rafmyntir eru í eðli sínu það sem kallað er á ensku Ponzi game þar sem þeir græða á endanum sem eru í efsta 10 parti píramídans. Nú kann að vera að fólki sé almennt alveg sama um þetta,  þetta er jú bara verðlaus rafeyrir þegar farið er af stað með þetta. 

Það sem menn allmennt vita ekki er að um leið og hægt er að skipta rafmyntinni fyrir lögeyri verður hann hluti af útgefnu heildarfjármagni (Q) þess hagkerfis sem hann er notaður í sem þýðir að hann ýtir niður gengi annarra gjaldmiðla í hagkerfinu, Rafmyntir eru því hrein viðbót við Q án raunverðmætasköpunar og rafeyri veldur því verðbólgu í heimshagkerfinu.

Rafmyntir og þeir sem eiga og grafa eftir þeim eru því sníkjudýr á raunhagkerfinu í sinni tærustu mynd. Þar sem verið er eyða raunverðmætum (orku) í að framleiða vöru (rafmynt) sem grefur undan hýslinum (raunhagkerfinu)

Var ekki einhver að tala um að gagnaver væru GRÆN stóriðja.  

 

Gagnaver muni nota meiri orku en heimilin í landinu

Athugasemdir

[Þorsteinn Siglaugsson, 19.2.2018 kl. 18:08]

Þetta hefur þú væntanlega eftir Gylfa Magnússyni. En hann hefur því miður ekkert vit á þessu eins og kom glöggt fram í viðtalinu við hann í Kveik um daginn. Rafmyntir eru ekki Ponzi-scheme neitt frekar en hlutabréf, skuldabréf, afleiður eða þess vegna gull. Ponzi-scheme gengur út á að greiða fyrstu hluthöfunum arð með því fé sem fæst frá þeim sem næstir eru í röðinni. Það á alls ekki við um rafmyntir. Virði rafmynta eins og bitcoin byggir á því einu að nógu margir séu sammála um að myntin sé heppileg fjárfestingarleið, rétt eins og virði gulls eða demanta. Ef gull myndi skyndilega missa gildi sitt sem fjárfestingavara myndi verð þess hrynja enda eru ekki nema um 10% þess gulls sem grafið er úr jörðu árlega notuð sem hráefni í einhvers konar framleiðslu. Með öðrum orðum myndi framboðið rjúka langt fram úr eftirspurninni og verðið því hrynja.

[Guðmundur Jónsson, 20.2.2018 kl. 14:29]

Nei þetta hef ég ekki eftir neinum nema sjálfum mér, kannski að Gylfi hafi þetta eftir mér. 

Þeir sem byrja fyrstir að grafa eftir rafmynt fá mest hinir fá minna,vegna þess það þarf svo veldisvaxandi meir og meir orku (reiknigetu) til að sækja hverja einingu af rafmyntinni.

Og já sá hluti gullsins sem ekki er nýtur sem hrávara er þess valdandi að hagkerfi heimsins er óstöðugra en það annars hefði verið, það er að segja, grefur undan heimshagkerfinu.