Umferðaráð á villigötum

Ungir ökumenn eru ekki hættulegir í umferðinni vegna þess þeir kunna ekki umferðareglurnar.  Þeir eru fyrst og fremst hættulegir í umferðinni vegna þess að þeir kunna ekki að hafa stjórn á ökutæki sökum reynsluleysis. Þetta vita ökukennarar en þeir ætla samt að rukka unglingana um 150.000 kr fyrir umferðarfræðslu og sálfræðihjálp. Þetta er vissulega atvinnuskapandi en þessir krakkar verða ekki hót betri bílstjórar.  Æfingin skapar meistarann og það á við þarna eins og alstaðar annarstaðar. 

Ég man alltaf eftir fyrsta ökutímanum mínum. Ökukennarinn var svo reiður að hann ætlaði ekki að hleypa mér upp í bílinn aftur. Pabbi varð að hringja í hann og semja heilmikið áður en ég fékk að fara í annan tíma. Þarna var vandamálið að ökukennarinn var orðin gamall og  honum var farið að förlast talsvert, sá illa og heyrði ekki neitt. Ég var búinn að vinna á dráttarvélum jeppum og vörubílum frá því ég var 10 ára og þurfti kannski ekki mikið að kenna mér á bíl. Til þess að ég fengi nú að fara í bílprófið varð ég því að setja mig í sérstakan gír þegar ég mætti í ökutímann hjá honum og gera alt á hans tempói en það var eiginleg þannig að maður var fljótari í ferðum á löpp. Þetta var WV passat ´78 rétt nýr  það var alveg bannað snúa honum yfir 2000 snúninga Kallinn fórnaði höndum ef mótorinn snérist 2500. það var mjög erfitt fyrir 17 ára peyja að láta gamalmenni sem gat ekki einu sinni bakkað með kerru segja sér til. Það eina sem ég lærði á þessu var að menn þyrftu ekki að geta keyrt til að vera með bílpróf, kennarinn minn var dæmi um það. Næst þegar þið horfið á tvítuga krakka keyra eins og vitleysinga staldrið þá aðeins við og hugsið ykkur, hvað ef það er bara þú sjálfur sem ert svona lélegur og krakkinn gerir þetta bara án fyrirhafna og af öryggi, þetta er kannski bara ekkert mál fyrir krakkaskrattann. Það er nefnilega þannig að þó maður geti sjálfur ekki klifrað í tré þá þýðir það als ekki að eingin annar geti það. Menn sem fullyrða að það sé stórhættulegt að aka á 110 kílómetra hraða eru fyrst og fremst að tala um sjálfan sig og sína upplifun af því að aka á 110 kílómetra hraða. það er deginum ljósara að slíkir menn eru stórhættulegir á miklum hraða. Þetta á við um nær alla þá sem starfar að umferðaröryggismálum á íslandi. Þeim sem verið hafa í einhverskonar mótorsporti finnst þetta vera barnaskapur. Ég er hinsvegar ekki að segja að það eigi að hækka hámarkshraða á vegum landsins. en það þarf að koma umræðunni um hraða upp úr sandkassanum á vitrænar nótur. Að aka bíl er ekki ósvipað og að skíða, lélegur skíðamaður rétt stendur niður smá halla og hefur litla stjórn á því hvert hann er að fara. Góður skíðamaður flýgur af öryggi niður hlíðar snarbrattra fjalla þar sem klaufarnir geta ekki einu sinn horft niður án þessa að skjálfa á beinunum af hræðslu. Og jafnvel þó klaufinn reyni að fara hægt þá lendir hann ekkert síður í slysum en sá sem kann á skíði. Stóru slysinn í umferiðinni verða þegar lélegir ökumenn lenda óvart í bröttubrekkunni,  það er, þegar óvæntir atburðir gerast eins og til dæmis þegar ekið er í veg fyrir mann eða þegar lélegur ökumaður ekur hraðar en hann ræður við. (klaufi í bröttubrekkunni). Hræðslu áróður gegn hraðakstri er beint að klaufum sem fara í bröttubrekkuna og er hugsanlega að skila einhverju þar en það er ekki að skila neinu þegar lélegur ökumaður sem ekur venjulaga hægt lendir óvart í bröttubrekkunni, þó eru það algengari slys. Ef við myndum bætta aðeins við getu ökumanna til að takast á við bröttubrekkuna þá værum við að fækka slysum í báðum þessum flokkum og allstaðar þar sem ökutæki eru annars vegar. Ég vil leifa mér að fullyrða að hefðum við borið gæfu og vit til að gera hér almennilega æfingabraut fyrir tuttugu árum síðan í staðin fyrir að eyða öllu þessu púðri í Óla H og félaga í umferðarráði væru Íslendingar mörgum tugum fleiri í dag.  Til að ná árangri í þessu  í umferðinni verður að hugsa þessi mál upp á nýtt og viðurkenna að strákar eins og hinn 19 ára Sebastian Vettel fara bar létt með að aka bíl 200 þar sem  gamalmennin hanga ekki á veginum á 80 og eru sjálfum sér  og öðrum stórhættuleg. Leiðinn er að hafa sem flesta með hæfileika Sebastian wettel í umferðinni. Það er hægt að gera með því að skipta út umferðaráði fyrir almennilega æfingabraut. Bílprófið fengist svo ekki nema að fólk næði tilsettum tímum á æfingabrautinni og það ætti bara að vera strembið og erfitt að ná því. Að hrúga niður öryggismyndavélum og vegalöggum  skilar litlu nema auknum tekjum til lögreglu og umferðaráðs. Endalaus áróður gegn hraðakstri er kannski ágætur í hófi en það keyrir um þverbak þegar litlu öðru hefur verið sinnt í umferðaröryggismálum í hart nær áratug.

Það sem ég er að fara með þessu er í megin atriðum að þeir sem starfa að umferðaröryggismálum á íslandi kunna umferðareglurnar en kunna fæstir að keyra bíl svo vel sé og hafa þess vegna ekki þá innsýn sem þarf til átta sig á því að lykillin að því að komast heil heim er að hafa sem besta stjórn á farartækinu sem maður er á  mikklu frekar en að fara eftir umferðareglunum.

Punktarnir eru dýrir

Athugasemdir

[Eva Hauksdóttir (IP-tala skráð) 21.8.2007 kl. 09:50]

"Menn sem fullyrða að það sé stórhættulegt að far yfir 110 kílómetra hraða eru fyrst og fremst að tala um sjálfan sig og sína upplifun af því að aka á 110 kílómetra hraða."

Þetta er náttúrulega þvættingur.

Hugmyndin um að mikill hraði sé hættulegur byggist einfaldlega á þeirri staðreynd að flest alvarleg slys verða vegna hraðaksturs. Hugmyndin um að yngri ökumenn séu hættulegri en þeir eldri byggist á því að hærra hlutfall ungra ökumanna lendir í umferðaróhöppum og slysum enda fullkomlega eðlilegt að reynsla og færni fari saman.  Meðal unglingurinn er enginn Sebastian Vettel og það er nákvæmlega engin ástæða til að auka hraðann í umferðinni.

Ég held reyndar að stærsta ástæðan fyrir því að sumir unglingar eru hættulegir í umferðinni sé frjálslegt viðhorf til umferðarlaga, ekki þekkingarskortur og að kannski sé meiri þörf á áróðri en fræðslu.  

[Jón Þór Bjarnason (IP-tala skráð) 21.8.2007 kl. 09:59]

Þetta er virkilega góð grein og þá sérstaklega síðari hlutinn. Ég styð þessa hugmynd 100%

[ásthildur einarsdóttir (IP-tala skráð) 21.8.2007 kl. 10:27]

það hefur snar fækkað banaslysum ,, sem betur fer og greinilegt er að ökumenn hafa dregið úr hraðanum,, ungir ökumenn eru , þeir sem mestum og flestum slysum valda , það hefur reynst vel að bera virðingu fyrir sér eldri og reyndari, mönnum,, fordómar gagnvart öðrum í umferðinni að að tala niður til eldra fólks er aðeins til að vekja athygli að þú ert trúlega ekki heppilegur á þjóðvegum landsins,,og eftirlitsvélar og hraðaeftirlit er að sjálfssögðu bráðnauðsýnlegt,til að við gleymum okkur ekki ,og verðum okkur og meðferðar fólki okkar að voða .

[Guðmundur Jónsson, 21.8.2007 kl. 11:32]

Á vef umferðarstofu http://www.us.is/id/4438  kemur fram að alvarlegum slysum og dauðsföllum fjölgaði stórlega eða um 60% á fyrstu 6 mánuðum 2007 saman borið við fyrstu 6 mánuði 2006. Alvarleg slys og banaslys voru 52 árið 2006 en voru orðin 83 í lok júní 2007. Það er mjög fín lína á milli þess hvort maður lifir eða ekki í alvarlegum slysum. Sökum þess hve úrtakið er lítið þá gefur dánartíðni mill ára litla eða enga vísbendingu um öruggi í umferðinni . Mér sýnist að eins væri hægt að þakka lægri dánartíðni, betri öryggisbúnaði í bílum, loftpúðum og slíku sem hefur stóraukist í umferðinni sökum góðærisins. Alla veganna er ljóst að áróðurinn í fjölmiðlum um að það sé hættulegt að aka hratt og aukið eftirlit hefur ekki skilað neinu mælanlegu, enda gerir aukið eftirlit  fólk ekki að betri bílsjórum og að kenna fólki aftur umferðareglur sem það kann fyrir getur tæplega hjálpað heldur er það.

[LM, 21.8.2007 kl. 11:53]

Sammála, þessi óþolandi áróður gerir bara illt verra.  Og strangari reglur bitna mest á þeim fjölda ökumanna sem er bara að reynda að komast til vinnu og heim aftur án þess að lenda í hraðagildrum lögreglu.

Málið er að áróðurinn sem kemur frá umferðaryfirvöldum er alltaf eins fyrir 6 ára börn.  Það skilar ekki miklum árangri á fullorðna.

Í einu skiptin sem ég sé lögregluna er þegar þeir spretta fram úr felum og taka einhvern óheppinn ökumann sem er að keyra á nákvæmlega sama hraða og allir aðrir og sama með sama hætti og hann keyrir sömu leið dag eftir dag.

Tómt rugl ...

[Axel Már Arnarsson (IP-tala skráð) 21.8.2007 kl. 12:34]

Fyrst Eva Hauksdóttir, slepptu því að commenta "Hugmyndin um að mikill hraði sé hættulegur byggist einfaldlega á þeirri staðreynd að flest alvarleg slys verða vegna hraðaksturs."

Takk Einstein.

Ásthildur, sama, og quote "fordómar gagnvart öðrum í umferðinni að að tala niður til eldra fólks er aðeins til að vekja athygli að þú ert trúlega ekki heppilegur á þjóðvegum landsins" þarft ekki að gera þetta personal.

Guðmundur Quote "Mér sýnist að eins væri hægt að þakka lægri dánartíðni, betri öryggisbúnaði í bílum, loftpúðum og slíku sem hefur stóraukist í umferðinni sökum góðærisins" það er flestir á gömlum bílum so....


Samt pælið í þessu því þið segið að hraðinn sé svo mikill, 90kmh vúúúúú, ok 2 akreinar reykjanes braut, slitlag...90kmh ?! wtf, malarvegur 80kmh? hvar er logicið í þessu, að fara yfir 90kmh er ekki heimnsendir, flestir ráða við það, og það er ekki eins og það sé mesti hraðinn sem bíllinn ykkar kemst á

[Atli F Unnarsson (IP-tala skráð) 21.8.2007 kl. 22:50]

Sæll

Þessi grein skilar því sem henni er ætlað (amk því sem ég held að henni sé ætlað), öðru sjónarhorni á áróðursherferðir umferðarstofu og lögreglu. Það er margir góðir punktar í þessu þótt hún sé nokkuð einsleit (svona eins og Ómar að tala um náttúruna, skoðun sem á vel við en þarf samt að komast úr einstefnunni)

Ég er persónulega fylgjandi þessu sjónarmiði að mestu leiti. Hvaða bananaháttur er það hjá stjórnvöldum sem stýra einu mest velmegandi landi í heimi að styðja lítið sem ekki neitt við bakið á þeim sem vilja leika sér á ökutækjum sínum. Tek fram að það sem hefur gerst í mótorkrossi er náttúrulega frábært en hentar lítið þeim sem vilja reyna á götubílinn sinn.

Þrátt fyrir að ég vilji leika mér á bílnum mínum þá tek ég undir þá yfirlýsingu umferðarstofu að "götur eru ekki leikvöllur". Hins vegar er fyrri setningin röng í auglýsingaherferð þeirra og hefur Birgir Þór Bragason sett upp slagorð á síðunni sinni sem hljómar svona "Bílar eru leiktæki, götur eru ekki leikvöllur" Þótt ég vilji að setningin sé meira í átt við "Bílar geta verið leiktæki" þá er samt inntakinu náð hjá Birgi.

 En umræðan er komin í gang og er ekki öll á neikvæðu nótunum þannig ég fagna því innilega

 E.s. Á eftir að lesa yfir meira af síðunni þinni en býst við að mér líki flest vel