Eftir hálft ár hvað þá ?

Ég veit sem er að ESB aðild og evra er flóknara mál en svo að hægt sé að ákveða yfir kaffibolla í fjölskylduboðum hvort hún sé æskileg íslenskum efnahag eða ekki, til dæmis bara vegna þess að við uppfyllum ekki og höfum aldrei uppfyllt þau skylirði sem til þarf, þó er greinilegt að margir íslendingar hafa verið að komast að niðurstöðu þannig síðustu vikur. Stefna íslendinga í ESB málum er trúarbrögð hjá mörgum en ekki vitrænt mat á kostum og göllum . Eins og staðan er í heiminum í dag er fátt sem bendir til að ESB sé kostur fyrir lítil eyríki eins og ísland. Þó svo að við hefðum verið laus við að hafa áhyggjur af gengi krónunnar inna ESB  þá hefði vandi útflutningsgreinana hugsanlega verið meiri og þau verkfæri  sem íslensk stjórnvöld hefðu til að takast á við vandan væru færri. Ég þykist vita að það geti verið kostur í dag að vera með veikan gjaldmiðil og gjaldeyrisskömmtun til að koma í veg fyrir óæskilegan innflutning og auðvelda útflutning. Það hefði ef til vill mátt koma í veg fyrir að bankarnir færu allir í einu í þrot hefðum við verið innan ESB með evru, en kreppan hefði náð landi hér eins og í ESB og við hefðum ekki getað brugðist jafn vel við henni. Eftir nokkra mánuði þegar kreppan verður búinn að búa um sig á meginlandi Evrópu mun íslenskur almenningur og einhverjir hentifána stjórnmálamenn sjálfsagt vera búnir að skipta aftur um skoðun . Ég legg því til að við sem ekki erum með breiðan þekkingargrunn í hagfræði  látum það vera að hafa skoðun á hlutum sem við höfum ekki vit á og leifum kjörnum fullrúum landsins hverju sinni að hafa faglega stefnu í þessum málum. Það er nefnilega þannig að alþingi íslands og sérfræðingateymi ríkistjórnarinnar er mun líklegra til að komast að vitræni niðurstöðu um þetta en kaffihúsaspekingar í Reykjavík og írskir gunes-þambarar. Það versta sem gæti gerst er að ESB aðild færi í þjóðaratkvæðagreiðslu, það myndi bara tryggja að niðurstaðan yrði ekki fagleg. Og við skulum líka hafa hugfast að greiningardeildir bankana ganga erinda bankanna en ekki almennings í landinu.

Staðan betri værum við með evruna