Við eigum að afþakka þessi lán

Íslenska vísitölufjölskyldan flytur út vörur og þjónustu fyrir 550.000 kr í hverjum einasta mánuði og undan farinn þrjú til  fjögur ár hefur hún flutt inn vörur fyrir heldur meira en það. Í síðasta mánuði urðu hinsvegar mikil umskipti og flutti íslenska vísitölufjölskyldan inn vörur og þjónustu fyrir 350.000 en út fyrir 550.000 sem þýðir gjaldeyrisafgang upp á 200.000 kr um hver mánaðamót, ef við höldum því áfram í 1 ár verður til gjaldeyrisafgangur upp á 2.400.000 kr á hverja einustu vísitölufjölskyldu. Lánapakki IMF er upp á 9.000.000 kr á fjölskyldu sem þýðir að við gætum verið tilbúin til að setja krónuna aftur á flot án lántöku eftir 3 eða 4 ár með sama bakstuðning og IMF telur fullnægjandi. Ég tel hinsvegar að þessi uppæð þeirra sé alltof há, þar á bæ er verið að reikna með að hálf þjóðin búi í útlöndum einn mánuð á ári og að Geir og Solla haldi áfram að nota einkaþotur en það á að hætt því er það ekki ?

    Við getum auðveldlega búið við gjaldeyrisskömmtun í nokkra mánuði og jafnvel ár og leyst þetta á okkar forsemdum. Það mætti stundum halda að verið væri að tala um hugursneið  og mannfelli samfara þessu en allt sem þarf er að afpanta sólarlandaferðina á næsta ári og aka um á ári eldri bíl en í fyrra. Ég legg til að lánapakki IMF verði afþakkaður. Íslendingar eru einhver auðugasta þjóð í heimi og eiga að hugsa og framkvæma í samræmi við það. Brask misviturra manna út í heimi á ekki að skipta neinu máli í þessu, Það er vandamál þeirra sem gerðu viðskipti við þá en ekki okkar sem  yrkjum ísland.

Lánsumsókn Íslands hjá IMF afgreidd á miðvikudag