Lesið á milli línanna

Þegar seðlabankastjórar opna munninn þarf maður alltaf að lesa á milli línanna.  Svona les ég á milli línanna. 

Jean-Claude Trichet, seðlabankastjóri Evrópu, segir að fjármálakerfi heimsins væri enn býsna brothætt .

þetta Þýðir held ég að það sé allt að fara til helvítis.

Trichet sagði að aðgerðir seðlabanka og ríkisstjórna í því að auka fjárflæði og endurfjármögnun fjármálageirans hafi reynst áhrifaríkar í því að koma í veg fyrir algjöra bráðnun fjármálakerfisins á heimsvísu.

Þetta þýðir eiginlega að ekkert virkar sem þeir gera en ljósi punkturinn er að kerfið er ekki alveg hrunið ennþá. 

Hann nefndi að óhjákvæmilegt væri að gera endurbætur á fjármálakerfi heimsins til að gera það styrkara í náinni framtíð og til lengri tíma, og þannig hæfara til að mæta áföllum.

þar sem stendur "gera endurbætur" ætti að standa "henda því og kaupa nýtt "

Ástæðuna fyrir yfirstandandi kreppu sagði Trichet hafa verið „víðtækt vanmat á áhættu í fjármálakerfinu, sérstaklega í þróuðustu ríkjunum.

Þetta má ef til vill orða svona en ég tel hann sé að tala um fölsun eigna og ofmat eignaverðs hvers konar í fjármálkerfinu. Til dæmis er allt sem heitir skuldsettar yfirtökur á hlutabréfamörkuðum bara eignafölsun.  

Hann sagði líka að sókn í skammtímagróða væri eftir sem áður vandamál í fjármálakerfi heimsins.

Það má líka kalla að dugnaður og útsjónasemi sé vandamál í fjármálkerfi heimsins.

Hann sagði líka að skortur á gagnsæi væri eftir sem áður vandamál í fjármálakerfi heimsins.

Þarna á hann sennilega við að hann skilji bara ekki alveg hvernig þetta virkar alltsaman, en hver gerir það svo sem ?

 

Annars hljómar þetta ekki ósvipað og þegar Davíð Oddson var að reyna að útskýra hvernig staðan væri hérna heima í fyrra.

Fjármálakerfi heims enn afar brothætt