Vandinn er sá að bankarnir eru fullir af fólki sem ber ekkert skinbagð á verðmæti

Bankarnir tapa á öllu sem þeir gera þessa daga vegna þess að þeir eru illa reknir af undirmáls liði sem kann ekkert nema gengisbrask.

Vandinn er sá að þeir sem ráða í bönkunum halda að verðmæti séu einna helst fólgin í því að að braska með raunveruleg verðmæti og þrátt fyrir allt er þeim enn ekki orðið ljóst að svo er ekki, Þeir eru í raun enn að reyna að ávaxta fé sitt í braski í bólufyrirtækjum, því þeir sjá ekki neitt annað og fyrir núverandi stjórnendum bankanna er bara myrkur framundan.  það lagast því ekkert í þessum bönkum fyrr en þessu fólki er hent út og nýir einstaklingar úr atvinulífinu settir í staðin.

Nú er lag að finna lítil og meðalstór fyrirtæki í framleiðslugeiranum til að lána peninga.  Á næstu árum verður mikill uppgangur í því hér heima. þessi fyrirtæki hafa setið á hliðarlínunni meðan gengið hefur verið of hátt skráð en þau munu blómstra á næstu árum.  Það er bara engin í bönkunum sem hefur vit á slíku og þess vegna eru þessi fyrirtæki höfð í fjársvelti.

Mér fannst broslegt að sjá Ríkisbankastjórana 3 um daginn í kastljósinu segja það blátt áfram að það væri engin eftirspurn eftir peningunum frá aðilum sem eru peninganna virði. Raunin er hinsvegar sú að þeir verða að hafna nánast öllum umsóknum um lán vegna þess að þeir sjálfir eru ekki færir um að sjá hverjir eru peninganna virði og hverjir eru það ekki.  En það þýðir á mannamáli að þeir séu lélegir bankastjórar.

Ásmundur Stefánsson bankastjóri landsbankans sagði til dæmis i í þessu kastljósviðtali að bankarnir væru bara milliliðir í þessu, sem er að mörgu leiti rétt en ef sá liður brestur eins og raunin er núna slitnar keðjan og þá er milliliðurinn vandamálið.

Ríkisbankarnir reknir með tapi

Athugasemdir

[Gísli Ingvarsson, 22.5.2009 kl. 09:51]

Vandamál bankanna er vissulega atgerfisskortur en vegna óraunhæfrar ávöxtunarkröfu hafa þeir veðjað á spekulanta úr verðbréfageiranum. Fólkið þar hefur ekki verðmætaskyn einsog fólk flest og því kann það að vera rétt hjá þer að finna annan starfskraft sem hefur jarðbundnari viðmiðanir. Nú eru bankarnir orðnir ríkisfyrirtæki svo spurningin hlýtur að vera sú hvernig björgum við þeim frá hinni óumflýjanlegu pólitísku spillingu sem því fylgir.