Hvernig á að loka fjárlagagati 101

Nú er sagt að loka þurfi gati í fjárlögum, þetta gat er nokkuð stórt ef miðað er við síðari ár hér á íslandi en ef litið er til ríkustu þjóðar í heimi bandaríkja-norður-ameríku þá er það bar smámunir. Það má alveg færa gild rök fyrir að hallarekstur á ríkisjóð nú sé til góðs fyrir íslenska hagkerfið. Atvinnuleysi er alltaf fyllilega gild ástæða fyrir hallarekstri. Það er nefnilega ekkert jafn vitlaust og að hafa vinnufúsar hendur sem vilja búa til verðmæti heima bara til að veikja ekki gjaldmiðillinn. Raunveruleg verðmætin eru jú fólgin í þeim efnislegu hlutum sem mennirnir sýsla við en ekki í seðlunum og mynt og upphaflega var seðillinn gefin út til að miðla vinnuafli og raunverðmætum. Það má líkja þessu við að loka heilu kvikmyndahúsi vegna þess að vélin sem prentar bíómiðanna bilar. Ef það er hægt að minka atvinuleysi með seðlaprentun þá á hiklaust að gera það því verðmætin eru fólgin í vinnunni sjálfri en ekki verðmiðanum sem settur er á hana. Dælum nýjum krónum í nýsköpunarfyrirtækin, skólana og mannaflsfrekar framkvæmdir í stað þess að hafa áhyggjur af því hvort krónan falli í verði á næstu árum, komum atvinulífinu af stað núna með þeim hallarekstri sem til þarf og gefum IMF lagt nef. Það er bara svo að það stækkar fjárlagagatið að hrekja fólk úr landi eða út af heimilum sínum með skattahækunum en þessar aðgerðir ríkisins eru eingöngu til þess fallnar. Fólk sem hefur vinnu lokar hinsvegar götum í fjárlögum.

Allt tekið með í reikninginn