Ónotað skilti í Hrafntinnuskeri.

Þar sem einu sinni var íshellir í Hrafntinnuskeri, er nú ónotað skilti sem á stendur að íshellar séu hættulegir eða eitthvað í þá veru. Þetta skilti var sett upp af snillingunum sem hafa alltaf vit fyrir hinum, eftir að maður lést við að skoða hellirinn, sennilega 2005. Árið eftir að skiltið var sett upp var hellirinn horfinn og skiltið hefur því verið ónotað í meira en tíu ár.

Nú hlýtur þetta slys þá að vera á ábyrgð þeirra sem ekki nenntu að færa skiltið yfir á Blágnípujökul þegar hellirinn fannst þar.

 

Fannst látinn í hellinum

Athugasemdir

[Einar Haukur Sigurjónsson, 1.3.2018 kl. 13:58]

Góð hugmynd að færa skiktið.

Varðandi ábyrgðina. Fellur hún þá ekki líka á þig? Þar sem þú vissir af þessu skilti og nenntir ekki að tryggja að því yrði komið í notkun? :)

Ég er að segja. Við getum ekki skelt ábyrgðina svona frjálst á annað fólk.

[Guðmundur Jónsson, 1.3.2018 kl. 14:57]

Skiltið er gagnslaust hvort að sem það stendur við íshellir eða ekki og ég er því með hreina samvisku gagnvart þessu.

En þeir sem settu skiltið upp vita það ekki, og það eru hundruð ef ekki þúsundir ómerktra hella sem þeir eiga eftir að merkja og flest skiltin þarf að færa til á hverju ári. 

[Einar Haukur Sigurjónsson, 1.3.2018 kl. 15:34]

Hehehehe siðblinda samviskulausa mannvera! Grín. Enda var þetta grín frá upphafi.

Varðandi skiltið. Ég veit ekkert um það. En þessi hellir virðist virkilega hafa þurft viðvörun. Ég er ekki mikið fyrir hella. Hef aldrei pælt í þeim. Er mikið fyrir fjallgöngur. Fjöllin á Íslandi eru gríðalega vel merkt.

Ég nefni þetta afþví ég ætla líka deila fáfræði minni af hellum. Ég virkilega hafði ekki hugmynd um að hellar gætu verið troð fullir hættulegum öndunarefnum. Þessi maður gæti allt eins verið ég.

:(

[Jón Steinar Ragnarsson, 1.3.2018 kl. 22:33]

Þetta var alvanur leiðsögumaður, sem dó þarna, svo ætla mætti að hann hafi vitað um áhættuna. Þetta virðist annars vera "freak incident" því hann hafði verið þarna skömmu áður með ferðamenn. Það hefur orðið gasúthlaup þarna. Það mætti kannski gera súrefnisgrímur að skyldubúnaði í svona ferðum, því það er alltaf hætta á þessu. Lenti i þessu sjálfur í Sólheimajökli fyrir mörgum árum. Allt í einu byrjaði okkur að svima og finna fyrir mattleysi og flökurleika og snerum við. Við vorum svo aðframkomnir undir lokin að við skriðum siðasta spottann.

[Einar Haukur Sigurjónsson, 2.3.2018 kl. 00:08]

Það er mjög leiðinlegt. Sorglegt að svona gerist fyrir reynda menn. Ef ég væri "hella-maður" myndi ég mjög líklega þekkja þetta betur. Enda þarf maður að þekkja umhverfið sem maður velur að stunda og eða lifa í kringum.

Ég býst við að því dýpra sem maður fer inn í svona helli því þykkri og hættulegri verður andrúmsloftið. Því minni líkur að hver sá sem lendir í svona slysi lifi það af.

Hellar hafa alltaf bara verið "Dimmir hellar" fyrir mér. Flottasti hellirinn sem ég hef skoðað er við Húsafell. Ímynda sér það að þurfa hafa áhyggjur af hættulegum efnum í loftinu við fjallgöngur á Íslandi. Öll þessi yndislegu útivistar áhugamál á Íslandi eru nægilega hættuleg fyrir. Nú lærir maður að hellar hafa að geyma stór hættuleg efni í andrúmsloftinu líka.

[Guðmundur Jónsson, 2.3.2018 kl. 08:19]

Maðurinn var fullorðin og vissi því vel að hellar geta verið hættulegir.

En svo lærði hann að vera leiðsögumaður,  Þar var honum kennt, af sömu snillingunum og settur upp skiltið í Skerinu, að  hellar væru hættulegir ef það væri skilti við þá til að vara menn við.