Lögfræðinám er mjög einsleit

Séu menn sæmilega læsir og eiga auðvelt með að leggja skrifaða texta á minnið geta þeir orðið lögfræðingar. Það er hinsvegar ekkert samhengi á milli þess að geta munað skrifaða texta og greindar eða almennrar skynsemi og lesskilningur lögfræðinga er oft ótrúlega lítill.

Þeir sem semja og lögfesta lög eru hinsvegar nær undantekningalaust yfir meðallagi greindir og skynsamir. Lög eru því oft textar sem þarf að lesa í stóru samhengi sem gerir kröfu um talsverðan lesskilning.

Stór hluti lögfræðinga og dómara man utanbókar lögin sem þeir vinna eftir en skilja þau illa og eru því stanslaust að þræta um hluti sem venjulegu fólki finnst augljósir.  

 

Benedikt fær að áfrýja til Hæstaréttar

Athugasemdir

[Guðmundur Ásgeirsson, 15.2.2020 kl. 14:35]

Þú hefur greinilega aldrei stundað lögfræðinám.

Það þarf ekki að muna allt utan bókar, til dæmis er leyfilegt að taka útprentanir af lögum og reglugerðum með sér í próf.

Hins vegar gerist það með tímanum að lagagreinar sem eru oft notaðar festast í minni, sérstaklega í lögum tilteknum sviðum.

Þeir sem semja og lögfesta lög hafa ekkert endilega þá andlegu yfirburði sem þú ætlar þeim. Því miður eru til mörg dæmi um illa samin lög og vanhugsað orðalag í lagatexta, rétt eins og líka eru til góð dæmi.

[Guðmundur Jónsson, 15.2.2020 kl. 21:18]

Þessi athugasemd byggir á 35 ára reynslu af samskiptum við lögmenn í leik starfi. Og trúðu mér, margir íslenskir lögmenn skilja ekki íslensku stjórnarskránna þó þeir geti þulið hana orðrétt upp. 

[Guðmundur Ásgeirsson, 15.2.2020 kl. 21:40]

Ég er svo sem ekkert ósammála því sem þú segir um reynslu þína af lögmönnum, en öðru máli gegnir um sjálft lögfræðinámið.

Athugaðu að fyrir 35 árum síðan var aðeins ein lagadeild við íslenskan háskóla en síðan þá hefur margt breyst og nú eru þær orðnar fjórar ásamt því að stórstígar breytingar hafa orðið á kennsluaðferðum. Einnig hafa orðið gríðarlegar breytingar á sjálfum lögunum, t.d. vegna lögfestingar Mannréttindasáttmála Evrópu og EES-samningsins.

[Guðmundur Jónsson, 16.2.2020 kl. 11:04]

Einsleit lögfræðinám í HR

https://www.ru.is/media/skjol-lagadeildar/HR-LagaDeildGrunn_2018_opna.pdf