Nútíma verk

Skýrsla breiðavíkurnefndarinnar er nútíma verk. Þar eru hálfrar aldar gömul verk látinna manna dæmd á forsemdum nútímans.  Það er ekki hægt að gera með nokkurri sanngirni. Fyrir hálfri öld voru úræði sem til voru önnur og sá skilningur sem menn lögðu í aga og ofbeldi annar en nú er.  Á þessum tíma vöru önnur úræði til dæmis að gera ekkert og láta börnin bara svelta í bröggunum í Reykjavík. Annað var að koma þeim fyrir í sveit þar sem ekkert eftirlit var með meðferð þeirra og í þá daga voru ofvirkir drengir með athyglisbrest einfaldlega lamdir til hlýðni á öllum betri bæjum.

Ég er ekki að segja að allir sem störfuðu að barnaverndarmálum á þessum tímum hafi verið dýrlingar en vil samt benda á að þeir trúð örugglega flestir á að þeir væru að vinna góðverk. Taka þarf tillit til að þeir höfðu takmörkuðfjárráð og oft takmarkaða eða enga menntun til þessarar starfa.  Ég er ekki tilbúin að samþiggja að vistun barna á Breiðuvík hafi alltaf haft neikvæð áhrif á stöðu þeirra og framtíðar horfur. Fyrir fimmtíu árum síðan var bara ekkert grín eiga foreldra eða aðstandendur sem réðu ekki við að koma manni til manns. þeir sem verið er að gagnrýna í þessari skýrslu reyndu þó að gera eitthvað í málunum og það er meira en sagt verðir um þorra samtíðarmanna þeirra.

http://www.forsaetisraduneyti.is/media/Skyrslur/breidavik_skyrsla.pdf

Draga má lærdóm af Breiðavík