Óskiljanlegar fréttir af ætluðu stríði.

Hér ætla ég að gera tilraun til að útskýra málið í stuttu máli án þess að gera ráð fyrir að Trump sé fáviti sem ætlar í stríð. 

Bandaríski herinn BH er sá öflugasti í heimi. Bandaríska þjóðin gæti farið í stríð við heiminn og samt átt ágæta möguleika á "sigri" eða í það minnsta meiri en þjóðverjar þegar þeir hafa farið í þá vegferð. Risanum stýrir um þessar mundir Donald nokkur Trump sem hefur það yfirlýsta markmið að draga úr viðveru BH í miðausturlöndum.

Árásinn á Soleimanis og félaga í Írak var taktísk lausn á vandamáli sem BH hefur verið að glíma við undanfarin áratug á svæðinu. BH hefur byggt upp innviði í landinu í samvinnu við meirihluta íbúa þess sem samt vilja ekki hafa BH í landinu og halla sér til Írans og vilja þjóðnýta mannvirkin og innviðina í þágu íslam. Fyrirætlanir stjórnvalda í Irak sem sitja í umboði BH eru ávísun á blóðbað sem BH getur illa verið bendlaður við. Írösk Stjórnvöld bjóða svo mönnum sem hafa það yfirlýsta markmið að útrýma Gyðingum og Bandaríkjunum í kurteisisheimsókn sem gerir ástandið óbærileg fyrir BH.

Drápið á Soleimanis skerpir línurnar og auðveldar BH að yfirgefa Irak án eftirmála eins og urðu í Sýrlandi, þar sem vesturveldin fundu BH allt til forátu vegna brottfararinnar.

Hvort þetta takist er svo annað mál, en þetta er í það minnsta skýring sem er í einhverju samhengi við raunheima.

Kannski er bandaríski herinn á leið frá Írak og Donald Trump ekki fáviti. 

 

Bandaríkjaher undirbýr brottflutning frá Írak