mummi

7.1.2021 | 11:08

Hvernig gat þetta gerst ?

Spyr blaðamaður. Það er til einfalt svar við því.

Gallup:

39% Bandarískra þegna telja að kosningunum 3. nóvember hafi verið stolið.

17% Bandarískra meðlima Demókrataflokksins telja að kosningunum 3. nóvember hafi verið stolið.

78% Bandarískra meðlima Repúblíkanaflokksins telja að kosningunum 3. nov. hafi verið stolið.

Samkvæmt NY-Post Styður mikill meirihluti lögreglunnar í bandaríkjunum Appelsínugula Rasistann.

Samkvæmt Forbes Styðja 52% bandarískra heimila hermanna Appelsínugula Rasistann.

Jovan Pulitzer og Bobby Piton eru í hópi þeirra 128 milljón bandarískra ríkisborgara sem telur sig vita að kosningunum hafi verið stolið.

Ein rökrétt skýring á þessu gæti því augljóslega verið sú að kosningunum hafi bara verið stolið eftir allt.

Það sem er háalvarlegt við þetta mál fyrir venjulega íslendinga er að allir fjölmiðlar á landinu eru fallnir á fjölmiðlaprófinu.

	Hvernig gat þetta gerst?
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 21:00 | Facebook

Athugasemdir

Bandaríkjamenn verða að:

1. Hætta að nota rafrænar kosningavélar.

2. Innleiða raunverulega kjörskrá.

Þangað til verður alltaf hægt að stela kosningum.

Guðmundur Ásgeirsson, 7.1.2021 kl. 12:48

Það er bara ekkert sem bendir til að kosningunum hafi verið stolið. Það hafa engar sannanir komið fram um stórfelld kosningasvik og það er ekki einu sinni neitt sem bendir til að svo hafi verið.

Á hvaða fjölmiðlaprófi féllu íslenskir fjölmiðlar? Að birta ekki rakalausar fullyrðingar Trump og hans manna og að benda á þegar Trump hefur augljóslega farið rangt með staðreyndir?

Sigurður M Grétarsson, 7.1.2021 kl. 13:06

Rétt athugað nafni.

þú sagðir hér um daginn að Bandríkin væru bananalýðveldi.

Ég var ekki sammála þér þá, en atburðarrásin síðustu tvo mánuði virðist staðfesta það.

Guðmundur Jónsson, 7.1.2021 kl. 13:11

Sigurður M.

Það skiptir ekki máli hvort kosningunum var raunverulega "stolið" eða ekki. Punkturinn er sá að á meðan notaðar eru rafrænar kosningavélar og engin kjörskrá, er það alltaf hægt. Það gerir svo allskyns rugludöllum kleift að framleiða samsæriskenningar um slíkt. Ef girt yrði fyrir möguleikann á kosninga "þjófnaði" myndi það þagga niður í þeim röddum. Ég er með öðrum orðum að benda á mögulegar lausnir á vandanum.

Guðmundur Ásgeirsson, 7.1.2021 kl. 13:14

Sigurður samfylkingarmaður.

Endilega vísaðu í einhverjar aðrar heimildir máli þínu til stuðnings, hér á þessu bloggi nefnum ekki appelsínugula rasista á nafn lengur, þeir eru bara fífl og lygarar eins og þú segir.

Guðmundur Jónsson, 7.1.2021 kl. 13:23

Ég hef þær heimildir einfaldlega frá ýmsum áttum þar með talið dómsmálaráðherra Bandaríkjanna að engar sannanir hafi fundist fyrir neinum fullyrðingum um stórfelld kosningasik. Það hefur með öðrum orðum ekkert komið fram sem bendir til að neitt sé hæft í þeim fullyrðingum að svo hafi verið.

Sigurður M Grétarsson, 7.1.2021 kl. 16:53

Það er svolítið vandamál að búa til kjörskrá í landi þar sem ekki er til nothæf þjóðskrá. Það er þess vegna sem fólk þarf að skrá sig inn á kjörskrá og sýna pappíra sem sanna að þeir séu borgarar í viðkomandi ríki og tilheyri tiltekinni kjördeild.

Sigurður M Grétarsson, 7.1.2021 kl. 16:55

Sigurður, dómsmálaráðherrann rannsakaði aldrei málið. Hvernig getur hann þá fullyrt að engar sannanir hafi fundist?

Það er að vísu rétt, þeir sem stinga hausnum í sandinn finna ekkert. Nema sand.

Theódór Norðkvist, 7.1.2021 kl. 19:29

Þess má geta að Jovan Pulitzer, sem síðuhafi nefnir hér fyrr, er sá sem fann upp QR-kóðann. Þetta einkennilega mynstur sem þú lesandi góður, notar til að komast inn í heimabankann þinn og/eða margt annað, er hans uppfinning.

Þegar atkvæðaseðill er sendur í pósti er hann settur í umslag. Áður en hann er settur í umslagið er hann brotinn saman. Það er ekki hægt að póstsenda atkvæðaseðil öðruvísi. Án þess að vísu að nota A4 umslag og það er að sjálfsögðu ekki gert vegna hás kostnaðar.

Þetta þýðir að allir ófalsaðir atkvæðaseðlar sem berast á kjörstað eru með brot í þeim. Þegar atkvæðaseðillinn er skannaður, kemur brotið fram á myndskjalinu sem verður til.

Pulitzer hefur boðist til að skoða alla atkvæðaseðla sem var rennt í gegnum Dominion-vélarnar. Ef það er brot í myndskjalinu frá skönnuninni er atkvæðaseðillinn ekta. Sé ekkert brot, er hann falsaður.

Þessari beiðni var hafnað. Við hvað eru yfirvöld svona hrædd? Ef kosningarnar voru þær öruggustu í sögunni hafa Demókratar ekkert að óttast frá svona rannsókn. Getur verið að demmar hafi eitthvað að fela?

Theódór Norðkvist, 7.1.2021 kl. 19:38